Albania News Agency

Ministri i Punëve të Jashtme dhe Tregtisë së Jashtme i Maqedonisë së Veriut, Timco Mucunski, priti në Shkup ministrin e Tregtisë dhe Integrimit të Kazakistanit, Arman Shakaliyev.

Duke folur për përmbajtjen e takimit, Mucunski theksoi forcimin e bashkëpunimit ekonomik dhe tha:

“Sot në Shkup prita ministrin e Tregtisë dhe Integrimit të Kazakistanit, Arman Shakaliyev, së bashku me delegacionin e tij. Kjo vizitë konfirmon gatishmërinë tonë të përbashkët për të thelluar bashkëpunimin ekonomik dhe për të forcuar marrëdhëniet tona të përgjithshme dypalëshe.”

Duke vlerësuar rritjen e tregtisë dhe të punës së përbashkët, Mucunski tha:

“Diskutuam se si mund ta shfrytëzojmë më mirë potencialin ekzistues, të rrisim tregtinë dhe të arrijmë rezultate konkrete në periudhën e ardhshme.”