Albania News Agency

Stuhitë, që pritet të vazhdojnë deri të premten, sollën deri në 27 cm shi në disa zona të Qarkut Los Angeles, nxitën evakuime dhe mbyllën rrugë kryesore.

Ekipet e emergjencës u detyruan të kryenin shumë operacione shpëtimi, përfshirë njerëz të bllokuar në automjetet e tyre ndërsa ujërat e përmbytjeve rriteshin. Guvernatori i Kalifornisë, Gavin Newsom, shpalli të mërkurën gjendje të jashtëzakonshme në Los Angeles dhe qytete të tjera të Kalifornisë Jugore.

Deri të enjten në mbrëmje, rreth 100.000 persona në shtet mbetën pa energji elektrike.

Qendra Amerikane e Parashikimit të Motit tha të enjten: “Ka mundësi të ndodhin shumë përmbytje të menjëhershme. Po ashtu, shumë përrenj mund të dalin nga shtrati dhe kjo mund të ndikojë në lumenj më të mëdhenj.”