Albania News Agency

Kryeministri izraelit Benjamin Netanyahu, në deklaratën e tij pas mbledhjes së qeverisë, foli për procesin e ri diplomatik që do të zhvillohet me Libanin dhe objektivat e sigurisë rajonale.

Duke shpallur vendimin për procesin e negociatave, Netanyahu tha: “Në dritën e kërkesave të përsëritura të Libanit për të filluar negociata të drejtpërdrejta me Izraelin, në mbledhjen e djeshme të qeverisë kam dhënë udhëzim që të fillohen sa më shpejt negociata të drejtpërdrejta me Libanin.”

Duke renditur pikat kryesore të bisedimeve, Netanyahu u shpreh: “Negociatat do të përqendrohen në çarmatimin e Hezbollahut dhe vendosjen e marrëdhënieve paqësore midis Izraelit dhe Libanit.”

Duke iu referuar edhe qëndrimit të fundit të qeverisë libaneze, Netanyahu tha: “Izraeli e vlerëson thirrjen e sotme të kryeministrit të Libanit për çarmatimin e Bejrutit.”