Albania News Agency

Vendimi goditi përpjekjet e kryeministrit Keir Starmer për të ndalur kalimet e njerëzve me varka të vogla nga Franca përmes Kanalit.

Migranti 25-vjeçar nga Eritrea duhej të largohej nga Britania të mërkurën me një fluturim komercial.

Por pas apelimit nga avokatët e tij, gjyqtari i Gjykatës së Lartë, Clive Sheldon, dha një “urdhër të përkohshëm të shkurtër” për t’i mundësuar burrit të paraqesë prova që ai është viktimë e trafikut të njerëzve.

Avokatët e ministres së Brendshme, Shabana Mahmood, pretenduan se burri, identiteti i të cilit nuk zbulohet për arsye ligjore, mund dhe duhet të aplikojë për azil në Francë.

Gjyqtari tha: “Duket se ka një çështje serioze për t’u gjykuar lidhur me pretendimet për trafik njerëzor dhe nëse ministrja e jashtme ka përmbushur detyrimet e saj hetimore ligjërisht”.

Vendimi është një pengesë për përpjekjet e kryeministrit Starmer për të ndalur kalimet e njerëzve me varka të vogla nga Franca.

Mahmood tha se qeveria do ta apelojë vendimin. Pavarësisht vendimit të gjykatës, deportimet e para drejt Francës priten këtë javë.