Albania News Agency

Administrata e Aviacionit Civil të Kinës njoftoi se muajin e kaluar numri i pasagjerëve të transportuar me avion në të gjithë vendin u rrit me 3,9 për qind, duke arritur në 74 milionë e 629 mijë, ndërsa norma e zënies në fluturimet e planifikuara ishte 86,3 për qind.

Sipas statistikave kryesore operative për muajin korrik, të publikuara sot nga institucioni, numri i pasagjerëve të transportuar në fluturimet e brendshme u rrit me 4,1 për qind në bazë vjetore, duke arritur në 67 milionë e 369 mijë. Në të njëjtën periudhë, numri i pasagjerëve në fluturimet ndërkombëtare u rrit me 2,3 për qind, në 7 milionë e 260 mijë.

Nga ana tjetër, të dhënat treguan se vëllimi i ngarkesave dhe postës së transportuar me avion në korrik ra me 0,3 për qind krahasuar me të njëjtën periudhë të vitit të kaluar, duke zbritur në 864 mijë tonë.