Albania News Agency

Kryeministri i Kroacisë, Andrej Plenkoviç, zhvilloi një takim dypalësh me Kryeministrin e Malit të Zi, Milojko Spajiç, në kuadër të Samitit të 13-të të Procesit të Berlinit, të organizuar në Mal të Zi. Plenkoviç njoftoi se gjatë takimit diskutuan procesin e anëtarësimit të Malit të Zi në BE dhe bashkëpunimin mes dy vendeve.

Plenkoviç deklaroi se Kroacia mbështet procesin e anëtarësimit të Malit të Zi në BE, duke theksuar se vendit i mbeten edhe gjashtë kapituj për t'u përmbyllur në kuadër të përgatitjeve për anëtarësim. “Kroacia jep dritën jeshile për mbylljen e kapitullit 21. Presim që negociatat të vazhdojnë me ritëm të shpejtë”, tha Plenkoviç.

Kryeministri Plenkoviç mirëpriti vendimet e qeverisë së Malit të Zi lidhur me vendin përkujtimor në Morinj dhe riemërtimin e pishinës në Kotor.

Plenkoviç deklaroi se Kroacia kërkon zgjidhjen e çështjeve si personat e zhdukur, ndjekja penale e krimeve të luftës, kompensimi i viktimave të kampeve, anija shkollore “Jadran”, si dhe çështjet e pronësisë dhe kufirit. Ai theksoi se Kroacia do të vazhdojë të mbështesë procesin e anëtarësimit të Malit të Zi në BE.