Albania News Agency

Kryeministri i Kroacisë, Andrej Plenkoviç, gjatë takimit me Kryeministrin e Malit të Zi, Milojko Spajiç, diskutoi procesin e anëtarësimit të Malit të Zi në Bashkimin Evropian dhe marrëdhëniet mes dy vendeve.

Plenkoviç theksoi rëndësinë e përmbushjes nga Mali i Zi të detyrimeve në fushën e të drejtave të pakicave dhe marrëdhënieve të fqinjësisë së mirë, të cilat janë ndër vlerat themelore evropiane.

Plenkoviç mirëpriti vendimet e qeverisë së Malit të Zi për riemërtimin e pishinës në Kotor dhe për mbrojtjen e përhershme të vendit përkujtimor në Morinj. Ai u shpreh se presin përparim në përmbylljen e kapitujve që mbeten të hapur në negociatat e anëtarësimit të Malit të Zi me BE-në.