Albania News Agency

Kryeministri i Kroacisë Andrej Plenkovic bëri vlerësime mbi masat e reja kundër inflacionit dhe ekonominë e vendit.

Plenkovic deklaroi se masat e reja ekonomike të qeverisë janë përgatitur në përputhje me parimet e solidaritetit dhe drejtësisë.

Në deklaratë thuhet se shpenzimet shtetërore mbahen nën kontroll, është vendosur moratorium mbi rritjen administrative të çmimeve dhe janë mbrojtur të drejtat ekzistuese të punonjësve. Gjithashtu u theksua se është hequr tatimi mbi të ardhurat e pensioneve për më shumë se 580 mijë pensionistë.

U bë e ditur se me ndryshimet tatimore që planifikohen të hyjnë në fuqi më 1 janar 2027 synohet forcimi i ekuilibrave ekonomikë.

Plenkovic deklaroi se ekonomia kroate ka shënuar rritje të pandërprerë për 21 tremujorë dhe se deficiti buxhetor ka rënë në nivelin 3 për qind.

Ai theksoi se vendi ka përfunduar anëtarësimin në Shengen dhe në Eurozonë, ndërsa procesi për anëtarësim në OECD vazhdon. Sipas tij, vlerësimi kreditor i vendit është rritur dhe ruhet në nivel investimi.

Ai gjithashtu bëri të ditur se punësimi në vend ka arritur në 1,76 milionë dhe papunësia është në nivelin 61 mijë.

Duke theksuar se rritja ekonomike është mbi mesataren e BE-së, Plenkovic deklaroi se PBB-ja për frymë është rritur ndjeshëm krahasuar me vitin 2016 dhe se janë regjistruar rritje në pagën mesatare, mediane dhe minimale.