Albania News Agency

Ministri i Jashtëm i Portugalisë, Paulo Rangel, u takua me përfaqësuesit e Komunitetit Sant'Egidio dhe nënshkroi një Memorandum Mirëkuptimi për forcimin e bashkëpunimit në parandalimin e konflikteve, ndërmjetësimin dhe pajtimin.

Sipas Ministrisë së Jashtme të Portugalisë, në takim mori pjesë edhe një nga themeluesit e Komunitetit Sant'Egidio, profesori Andrea Riccardi. Memorandumi synon krijimin e një mekanizmi të rregullt bashkëpunimi ndërmjet palëve, nxitjen e dialogut dhe zbatimin e nismave të përbashkëta për forcimin e respektimit të të drejtave të njeriut dhe të drejtës ndërkombëtare humanitare.

Gjatë takimit u vu në dukje puna ndërkombëtare diplomatike dhe humanitare e Komunitetit Sant'Egidio. Veçanërisht u vlerësua kontributi i tij në proceset e paqes në Afrikë dhe roli ndërmjetësues në arritjen e Marrëveshjes së Përgjithshme të Paqes në Mozambik.

Palët theksuan se Memorandumi i Mirëkuptimit do të forcojë më tej angazhimin e tyre të përbashkët për dialogun, ndërtimin e paqes dhe bashkëpunimin ndërkombëtar.