Albania News Agency

Mijëra njerëz, kryesisht në kryeqytetin Sana dhe në zonat nën kontrollin e Huthit, morën pjesë në protesta në përvjetorin e 11-të të luftës në Jemen, duke mbështetur Iranin dhe Libanin.

Turma e mbledhur në Sheshin Seventy protestoi kundër sulmeve të SHBA-së dhe Izraelit, ndërsa liderët Huthi njoftuan se janë gati për ndërhyrje ushtarake në përgjigje të zhvillimeve në rajon.

Anëtari i Byrosë Politike të Ansarullah, Taha Al-Mutawakkil, në fjalimin e tij tha: “Sulmet ndaj Iranit dhe Libanit janë të drejtuara kundër gjithë umetit tonë. Nuk do të qëndrojmë neutralë dhe nuk do të mjaftohemi me mbështetje pasive. Jemi gati të jemi në frontin e rezistencës kundër sulmeve. Jemi vigjilentë dhe gati të reagojmë sipas zhvillimeve në terren”.

Kreu i Korporatës së Radios dhe Televizionit të Jemenit, Abdulrahman Al-Ahnumi, deklaroi: “Nëse Huthit ndërhyjnë ushtarakisht, Deti i Kuq dhe Bab el-Mendeb do të bëhen pika kyçe. Objektivat izraelite dhe bazat amerikane do të jenë në rrezik sulmi. Komuniteti ndërkombëtar duhet t’i marrë seriozisht rreziqet e kësaj lufte, sepse pasojat do të jenë globale”.