Albania News Agency

Putin i dërgoi një mesazh urimi Presidentit të SHBA-së Donald Trump me rastin e 80-vjetorit të lindjes së tij.

Në mesazhin e tij, Putin e cilësoi Trumpin si “një politikan të jashtëzakonshëm dhe një personalitet të shquar”, duke i uruar shëndet, lumturi dhe suksese. Ai gjithashtu përcolli përshëndetje për familjen e Trumpit, veçanërisht për bashkëshorten e tij Melania Trump.

Në mesazh thuhet se mirëkuptimi i ndërsjellë mes dy liderëve ka krijuar mundësi për diskutime të drejtpërdrejta dhe të hapura mbi çështje ndërkombëtare dhe dypalëshe.

Vladimir Putin theksoi se forcimi i marrëdhënieve mes Rusisë dhe SHBA-së është i rëndësishëm për sigurinë dhe stabilitetin global dhe shprehu besimin se përpjekjet e përbashkëta në këtë drejtim mund të vazhdojnë.

Mesazhi tërhoqi vëmendje në një periudhë kur kontaktet diplomatike mes Moskës dhe Uashingtonit po rikthehen në axhendë.