Albania News Agency

Spajic bëri një deklaratë lidhur me takimin e tij me kryeministrin e Luksemburgut, Luc Frieden.

Ai tha se gjatë takimit shprehën kënaqësi për përparimin e arritur në mbylljen e dy kapitujve negociues përpara Konferencës së ardhshme Ndërqeveritare. Gjithashtu u theksua se pala luksemburgase ka rikonfirmuar angazhimin e saj për të mbështetur synimin e Malit të Zi për anëtarësim të plotë në Bashkimin Evropian deri në vitin 2028.

Në takim u diskutuan gjithashtu potenciali i diasporës, mundësitë e bashkëpunimit ekonomik dhe perspektiva e përbashkët evropiane. Spajic theksoi se këto fusha do të përbëjnë bazën e miqësisë së ardhshme ndërmjet dy vendeve.