Albania News Agency

Ministri i Punëve të Jashtme dhe Çështjeve Evropiane i Kroacisë, Gordan Grlic Radman, në postimin e tij deklaroi se e përkujtojnë me respekt të thellë heroin kroat Josip Jovic dhe përvjetorin e operacionit në Plitvice.

Radman theksoi se sakrifica e Jovic, një polic i ri dhe viktima e parë e Luftës për Pavarësinë e Kroacisë, është bërë simbol i qëndrueshëm i guximit, patriotizmit dhe besimit në luftën për një Kroaci të pavarur.

Në mesazhin e tij, Radman theksoi se themelet e lirisë dhe pavarësisë së Kroacisë janë ndërtuar mbi sakrificat e atyre që dhanë jetën për vendin dhe se dashuria dhe përkushtimi i tyre ndaj atdheut nuk duhet të harrohen kurrë.

Duke theksuar rëndësinë e ruajtjes së kujtimit të këtyre heronjve dhe mbrojtjes së vlerave për të cilat ata luftuan, Radman tha: “Lavdi dhe mirënjohje e përjetshme për ta”.