Albania News Agency

Ministri kroat i jashtëm Gordan Grlic Radman u takua me ministrin e jashtëm dhe të tregtisë së jashtme të Maqedonisë së Veriut, Timço Mucunski.

Gjatë takimit u theksuan marrëdhëniet e forta dhe miqësore midis dy vendeve si dhe dialogu politik që zhvillohet në të gjitha nivelet.

Palët ranë dakord për zhvillimin e bashkëpunimit në fusha të ndryshme, ndërsa Kroacia përsëriti mbështetjen e saj për procesin e anëtarësimit të Maqedonisë së Veriut në Bashkimin Evropian. Zagrebi theksoi rëndësinë e përshpejtimit të integrimit evropian të Shkupit.

Gjithashtu u theksua vendosmëria e dy vendeve, si aleatë të NATO-s, për të forcuar më tej bashkëpunimin përballë kërcënimeve të përbashkëta të sigurisë.