Albania News Agency

Në Bursën e Metaleve të Londrës, çmimi i futures të bakrit, duke ndjekur fitimet e forta në Shangai dhe Nju Jork, arriti në 12.960 dollarë për ton. Vetëm gjatë dhjetorit çmimet u rritën me mbi 15%.

Presioni u shtua edhe nga ndërprerjet e paplanifikuara të minierave, përfshirë shpalljen e forcës madhore në minierën Grasberg të Freeport-McMoRan në Indonezi dhe uljen e objektivave të prodhimit për vitin 2026.

Gjithashtu, pritshmëritë se SHBA-të do të vendosin tarifa doganore mbi bakrin e rafinuar i shtynë tregtarët të dërgojnë sasi të mëdha bakri në magazinat amerikane, duke ulur rezervat në vende të tjera.

E mbështetur nga tranzicioni global energjetik, kërkesa për bakër në afat të gjatë mbetet e fortë. Vëzhguesit e tregut theksojnë se kufizimet e vazhdueshme të ofertës, uljet e mundshme të normave të interesit nga Fed dhe kërkesa strukturore nga projektet e energjisë së rinovueshme do ta mbajnë bakrin në qendër të vëmendjes në fillim të vitit 2026.

Bakri përdoret si përcjellës i nxehtësisë dhe energjisë elektrike në materiale ndërtimi, në përbërjen e aliazhëve të ndryshëm metalikë, në bizhuteri, në pajisje detare prej kupronikeli dhe në prodhimin e monedhave, si dhe në matësit e ngarkesës prej konstantani dhe termokuplete për matjen e temperaturës.