Albania News Agency

Departamenti Amerikan i Shtetit njoftoi se vizat e disa shtetasve të huaj, të cilët konsiderohen si kërcënim për sigurinë publike, janë anuluar.

Në deklaratën e publikuar në rrjetet sociale thuhet se administrata amerikane ka anuluar vizat e “shoferëve të huaj të papërgjegjshëm” dhe u ka ndaluar hyrjen e re në vend për t’i mbajtur larg rrugëve.

Deklarata përfshinte shembuj të shtetasve të huaj të lidhur me drejtimin e automjetit në gjendje të dehur, shkelje të rregullave të trafikut, sjellje të dhunshme dhe krime të tjera.

Sipas deklaratës, një person u arrestua për prishje të rendit publik, rezistencë të dhunshme ndaj policisë, drejtim automjeti në gjendje të dehur dhe dhunë në familje, ndërsa një tjetër drejtonte automjetin në gjendje të rëndë dehjeje me një fëmijë në automjet.

Ministria shtoi gjithashtu se disa persona kishin drejtuar automjetin me nivel alkooli shumë mbi kufirin ligjor dhe kishin shfaqur sjellje të rrezikshme, ndaj vizat e tyre u anuluan.

Departamenti Amerikan i Shtetit deklaroi se gjatë administratës Trump do të vazhdojë anulimi i vizave të shtetasve të huaj që kërcënojnë sigurinë e qytetarëve amerikanë dhe se siguria kombëtare do të mbetet prioritet.