Albania News Agency

Kryeministri i Mbretërisë së Bashkuar, Keir Starmer, bëri një deklaratë duke i cilësuar ngjarjet në Belfast si “tronditëse dhe krejtësisht të papranueshme”.

Në një postim në rrjetet sociale, Starmer theksoi se nuk ka asnjë justifikim për dhunën dhe çrregullimet dhe se këto ngjarje kërcënojnë sigurinë publike.

Starmer deklaroi se njerëzit janë vënë në shënjestër për shkak të prejardhjes së tyre dhe se përgjegjësit do të përballen me drejtësinë.

Ai tha se ka biseduar me Shërbimin Policor të Irlandës së Veriut, falënderoi forcat e sigurisë dhe ekipet e emergjencës dhe bëri thirrje për qetësi për të vënë situatën nën kontroll.

Kryeministri shtoi gjithashtu se shoqëria duhet të mbështesë policinë në mënyrë që ajo të mund të kryejë detyrën e saj.