Albania News Agency

Sybiha i shprehu falënderimet e tij ministres Anand për mbështetjen e vazhdueshme që Kanadaja i ka dhënë Ukrainës.

Ai tha se në takim u diskutuan përpjekjet për paqe, zhvillimet e fundit në punën e përbashkët të Ukrainës me SHBA-të dhe hapat e ardhshëm. “Jemi në një moment të rëndësishëm dhe do ta shfrytëzojmë çdo mundësi për ta afruar paqen. Jemi mirënjohës ndaj Kanadasë dhe të gjithë partnerëve që mbështesin përpjekjet tona për paqe,” deklaroi Sybiha.

Sybiha theksoi se janë diskutuar hapa për rritjen e presionit ndaj Rusisë, projekt-rezoluta për t’u paraqitur në OKB dhe mekanizma që do të mundësojnë përdorimin e plotë të aseteve të ngrira të Rusisë për mbrojtjen dhe rindërtimin e Ukrainës. “Jam mirënjohës ministres Anand për kujdesin e saj personal dhe solidaritetin ndaj Ukrainës,” shtoi ai.