Albania News Agency

Presidenti i Shteteve të Bashkuara Donald Trump, në një postim në rrjetet sociale, shprehu mbështetjen e tij për senatorin Lindsey Graham dhe i bëri thirrje Senatit të SHBA-së të miratojë projektligjin "Clarity Act".

Duke e cilësuar Graham si "një mbështetës të madh", Trump theksoi rëndësinë e miratimit të projektligjit. Ai pretendoi se shumë vende, veçanërisht Kina, synojnë të marrin kontrollin mbi financat e kriptomonedhave dhe teknologjitë e inteligjencës artificiale, duke argumentuar se SHBA-ja është lidere në këto fusha, por përballet me konkurrencë të fortë.

Në postimin e tij Trump shkroi: "Mos lejoni që Kina të fitojë në të dyja fushat", duke i bërë thirrje Senatit të miratojë Clarity Act.