Albania News Agency

Presidenti i SHBA-së Donald Trump bëri një deklaratë lidhur me bisedimet e nivelit të lartë me Iranin që synojnë uljen e tensioneve në Lindjen e Mesme.

Duke shprehur kënaqësinë për ecurinë e negociatave, Trump tha: “Jam i kënaqur të njoftoj se gjatë dy ditëve të fundit Shtetet e Bashkuara dhe Irani kanë zhvilluar bisedime shumë të mira dhe produktive për zgjidhjen e plotë dhe përfundimtare të armiqësive tona në Lindjen e Mesme”.

Duke iu referuar përmbajtjes së bisedimeve dhe ndikimit të tyre në operacionet ushtarake, Trump shtoi: “Bazuar në atmosferën dhe tonin e këtyre bisedimeve të thelluara, të detajuara dhe konstruktive, dhe në varësi të suksesit të takimeve dhe konsultimeve në vazhdim, i kam dhënë urdhër Ministrisë së Mbrojtjes të shtyjë të gjitha sulmet ushtarake ndaj centraleve dhe infrastrukturës energjetike të Iranit për një periudhë pesëditore”.