Albania News Agency

Donald Trump, në deklaratën e tij, bëri vlerësime mbi procesin e rinovimit të Pellgut Pasqyrues që ndodhet midis Memorialit Lincoln dhe Monumentit të Uashingtonit.

Trump kritikoi The New York Times për raportimet mbi projektin dhe pretendoi se punimet e kryera gjatë presidencës së ish-presidentëve Barack Obama dhe Joe Biden kishin dështuar.

Në deklaratën e tij, Trump argumentoi se gjatë viteve janë shpenzuar shuma të mëdha fondesh publike për rinovimin e pellgut, por megjithatë projekti nuk është përfunduar dhe zona ka mbetur e mbyllur për një kohë të gjatë.

Trump tha se në projektin e ri të zhvilluar me Departamentin e Brendshëm synojnë ta përfundojnë projektin në një kohë më të shkurtër dhe me kosto më të ulët, duke pretenduar se në vend të një kostoje prej rreth 400 milionë dollarësh, projekti mund të përfundojë brenda dy javësh me një shpenzim prej 5 deri në 6 milionë dollarësh.