Albania News Agency

Sipas BBC, Trump në një postim në platformën Truth Social iu drejtua vendeve “si Mbretëria e Bashkuar”, të cilat nuk mund të sigurojnë karburant për avionë për shkak të kufizimeve rreth Ngushticës së Hormuzit.

Trump tha se këto vende duhet “të mbledhin një guxim të vonuar, të shkojnë në ngushticë dhe thjesht të marrin naftën”.

Duke pretenduar se “Irani në fakt është shkatërruar” dhe se “pjesa më e vështirë ka mbaruar”, presidenti amerikan iu drejtua vendeve që refuzuan të marrin pjesë në “operacionin për prerjen e kokës së Iranit”, duke thënë: “Duhet të filloni të mësoni të luftoni për veten tuaj, SHBA nuk do të jetë më aty për t’ju ndihmuar, ashtu siç ju nuk ishit pranë nesh”.

Trump e përfundoi deklaratën e tij me fjalët: “Shkoni dhe merrni vetë naftën tuaj!”