Albania News Agency

UNRWA bëri të ditur se, për shkak të luftës dhe zhvendosjes që kanë zgjatur me muaj, banorët e Gazës janë të detyruar të jetojnë mes rrënojave që po shemben, në strehime të përkohshme dhe tenda të pasigurta.

Në deklaratë u theksua se stuhia “Byron”, që goditi Gazën nga 10 dhjetori, është një rrezik natyror, por pasojat e saj janë të shkaktuara nga faktori njerëzor.

Sipas të dhënave të Grupit të Strehimit (Shelter Cluster) në Gaza, gjatë periudhës 10–17 dhjetor janë shembur 17 ndërtesa, më shumë se 42 mijë tenda ose strehime të përkohshme kanë pësuar dëme të plota ose të pjesshme dhe të paktën 235 mijë persona janë prekur.