Albania News Agency

Në postimin e tij, Trump shkroi: “I kisha paralajmëruar më parë këta terroristë se nëse nuk ndalonin masakrimin e të krishterëve do të paguanin një çmim të rëndë, dhe sonte e paguan. Zoti e bekoftë ushtrinë tonë. Gëzuar Krishtlindjet për të gjithë, përfshirë terroristët e vrarë.”

Ministria e Jashtme e Nigerisë konfirmoi sulmet, duke deklaruar se ato ishin goditje precize ndaj objektivave terroriste. Komanda Afrikane e SHBA-së njoftoi se në shtetin Sokoto u vranë “disa terroristë të ISIS-it”.

Kjo është ndërhyrja e parë e SHBA-së në Nigeri gjatë presidencës së Trump. Në tetor dhe nëntor ai kritikoi ashpër qeverinë nigeriane për vrasjet e të krishterëve, duke e krahasuar situatën me gjenocid.

Qeveria e Nigerisë mohon se kërcënimi terrorist është i drejtuar vetëm ndaj të krishterëve, duke theksuar se edhe myslimanët dhe besimtarë të feve të tjera sulmohen rregullisht. Së fundmi, të mërkurën, të paktën shtatë persona u vranë nga një shpërthim në një xhami në qytetin Maiduguri.