Albania News Agency

Presidenti i Ukrainës Volodimir Zelenski u takua me fëmijët e ushtarëve që kanë humbur jetën në luftë gjatë një aktiviteti të organizuar në kryeqytetin Kiev me rastin e Pashkëve.

Zelenski deklaroi se gjatë aktivitetit të mbajtur rreth Katedrales së Shën Sofisë u organizuan aktivitete të ndryshme për fëmijët.

Në deklaratën e tij, Zelenski tha: “Ne duam dhe duhet të bëjmë gjithçka që fëmijët e ushtarëve të rënë të mos humbasin kurrë besimin në botë”, duke bërë thirrje për mbështetje.

Lideri ukrainas falënderoi ata që luftojnë për sigurinë e vendit dhe theksoi rëndësinë e mbështetjes për familjet e tyre.