Albania News Agency

Presidenti i Ukrainës Zelenski deklaroi se në kuadër të iniciativës Bring Kids Back, dy mijë fëmijë ukrainas janë shpëtuar nga kontrolli rus dhe janë kthyer në shtëpitë e tyre.

Duke theksuar se secili nga këto rikthime është bërë i mundur falë përpjekjeve të përditshme të popullit, organizatave të shoqërisë civile dhe partnerëve ndërkombëtarë, Zelenski tha: “Jemi mirënjohës ndaj të gjithëve që kontribuojnë në këtë luftë për të ardhmen e fëmijëve tanë, vendit tonë dhe gjithë botës së lirë.”

Zelenski theksoi se mijëra fëmijë ukrainas ende mbahen në robëri nga Rusia dhe çdo ditë bëhen viktima të krimeve të saj, duke nënvizuar se nuk do të ndalen derisa të gjithë fëmijët ukrainas të kthehen në shtëpi.