Albania News Agency

Presidenti i Ukrainës Zelenski njoftoi se pas sulmit të madh të kryer nga Rusia, në shumë rajone vazhdojnë punimet e shpëtimit dhe riparimit.

Zelenski theksoi se kjo ishte një sulm i kombinuar, i planifikuar qëllimisht për të shkaktuar sa më shumë dëme në sektorin energjetik. “U përdorën rreth 400 mjete ajrore pa pilot dhe 29 raketa të llojeve të ndryshme, përfshirë raketa balistike. Një numër i konsiderueshëm raketash u rrëzua, por fatkeqësisht pati edhe goditje,” tha ai.

Zelenski deklaroi se të gjitha shërbimet e nevojshme janë mobilizuar për ndihmë dhe shtoi:

“Në total, 12 rajone u morën në shënjestër dhe fatkeqësisht u raportua për 9 të plagosur, mes tyre edhe fëmijë. Më shumë se dhjetë banesa dhe infrastruktura hekurudhore u dëmtuan. Partnerët duhet t’u përgjigjen të gjitha këtyre sulmeve kundër jetës. Rusia duhet të mbajë përgjegjësi për agresionin e saj. Nëse ka drejtësi dhe forcë, diplomacia do të jetë më efektive.”