Albania News Agency

Presidenti i Ukrainës, Volodymyr Zelensky, deklaroi se gjatë takimit të tij me Presidentin Recep Tayyip Erdoğan u diskutuan çështje që lidhen me Detin e Zi. Ai bëri të ditur se gjatë takimit, të zhvilluar në Ditën Ndërkombëtare të Detit të Zi, u shqyrtuan ide dhe propozime të reja, veçanërisht në lidhje me sigurinë ushqimore, dhe se u vendos të punohej së bashku për krijimin dhe funksionimin efektiv të Korridorit të Drithërave në Detin e Zi.

Zelensky njoftoi se Turqia dhe Ukraina po përgatisin projekte të reja industriale dhe ekonomike, duke theksuar se hyrja në fuqi e Marrëveshjes së Tregtisë së Lirë midis dy vendeve krijon mundësi të reja për bizneset. Ai bëri të ditur se u diskutua gjithashtu bashkëpunimi në fushat e energjisë dhe infrastrukturës. Zelensky tha se ishin takuar me përfaqësues të kompanive turke të energjisë dhe se pritet që furnizimi me gjeneratorë dhe pajisje të tjera energjetike të rritet duke filluar nga java e ardhshme.

Zelensky falënderoi Erdoğanin për bashkëpunimin dhe mbështetjen e tij ndaj propozimeve që mund të kontribuojnë në paqe dhe siguri.