Albania News Agency

Presidenti i Ukrainës Volodymyr Zelensky tha se gjatë takimit vëmendje e veçantë iu kushtua mbrojtjes së Kostiantynivka-s, Slovianskut dhe në përgjithësi rajonit të Donetskut.

Zelensky shprehu mirënjohjen e tij për të gjitha njësitë që zmbrapsin sulmet ruse, pengojnë përpjekjet për depërtim dhe neutralizojnë pushtuesit, duke theksuar se e dinë se si ta forcojnë këtë sektor.

Ai tha gjithashtu se u diskutuan detyrat në kuadër të goditjeve me rreze të gjatë kundër aftësisë së Rusisë për të vazhduar luftën, duke deklaruar: «Janë arritur rezultate të mira në rafinerinë e naftës në Jaroslavl. Ne po vazhdojmë operacionet përkatëse.»

Duke folur për kontaktet lidhur me mbrojtjen ajrore dhe furnizimin me raketa, Zelensky shtoi: «Mykhailo foli gjithashtu për punën e tij mbi aftësitë mbrojtëse kundër raketave balistike dhe kontaktet me palën amerikane. Po punojmë në të gjitha nivelet për të garantuar furnizimin me raketa për sistemet e mbrojtjes ajrore.»