Albania News Agency

Presidenti i Ukrainës, Volodymyr Zelensky, tha se Ukraina po përballet me mungesë të sistemeve të mbrojtjes ajrore Patriot, duke shtuar se Putini vazhdon sulmet dhe po godet zonat civile të banuara.

Zelensky falënderoi vendet që mbështesin furnizimin me raketa për sistemet Patriot dhe theksoi se për të garantuar sigurinë në mënyrë të qëndrueshme, Ukraina ka nevojë për prodhimin e saj vendas.

Në deklaratën e tij, Zelensky tha se do të ishte e dobishme që Shtetet e Bashkuara të ofronin mbështetje operative kur të ishte e nevojshme dhe shtoi se presin një përgjigje pozitive për këtë çështje nga presidenti amerikan Donald Trump.

“Falënderoj të gjithë ata që sot i shprehën ngushëllimet e tyre Ukrainës, si dhe të gjithë ata që nuk heshtën dhe dënuan terrorin rus”, deklaroi Zelensky.