Albania News Agency

Presidenti i Ukrainës Volodymyr Zelensky, gjatë takimit me Presidentin Federal të Gjermanisë Steinmeier, falënderoi Gjermaninë për mbështetjen ndaj popullit ukrainas dhe për rolin udhëheqës në këtë drejtim.

Zelensky tha se kishte dhënë informacion mbi punën e përbashkët të zhvilluar me Shtetet e Bashkuara të Amerikës, e cila synon “arritjen e një paqeje dinjitoze, garanci të besueshme sigurie dhe rimëkëmbje ekonomike”.

Duke theksuar rëndësinë e takimit, Zelensky nënvizoi se mbrojtja e sovranitetit, integritetit territorial dhe interesave kombëtare të Ukrainës është thelbësore dhe shprehu vlerësimin e tij për mbështetjen parimore të Gjermanisë ndaj kësaj qasjeje.