Albania News Agency

Presidenti i Ukrainës, Volodymyr Zelensky, bëri një deklaratë lidhur me sulmet ruse ndaj Chernihivit dhe Zaporizhias.

Zelensky tha se në sulmin me dron ndaj një supermarketi në Chernihiv nuk kishte asnjë objektiv ushtarak. Ai njoftoi se 13 persona u plagosën, dy humbën jetën dhe një prej viktimave ishte fëmijë.

Zelensky shtoi se edhe Zaporizhia u godit me bomba ajrore të drejtuara, ku humbi jetën një person dhe një tjetër u plagos.

Zelensky pretendoi se Rusia po shënjestron qëllimisht civilët dhe bëri thirrje për rritjen e sanksioneve ndaj Rusisë, shtimin e mbështetjes për Ukrainën, forcimin e mbrojtjes ajrore dhe sigurimin e kapaciteteve shtesë për ushtrinë ukrainase.