Albania News Agency

Sipas CCTV, ministri i Punëve të Jashtme të Iranit, Seyid Abbas Arakçi, në një konferencë për shtyp në Teheran deklaroi se posedojnë dokumente dhe prova të gjera që lidhin trazirat e fundit me SHBA-në dhe Izraelin.

Arakçi theksoi se protestat që nisën paqësisht më 28 dhjetor 2025, nga 8 janari u përshkallëzuan në dhunë dhe kaos pas përfshirjes së grupeve të armatosura.

Duke iu referuar një postimi në rrjetet sociale të ish-drejtorit të CIA-s, Mike Pompeo, Arakçi tha: “Kjo tregon qartë se agjentët e Mossad-it po përpiqen të drejtojnë veprime të tilla terroriste”.

Duke nënvizuar se Irani nuk kërkon luftë, por është plotësisht i përgatitur për një konflikt të mundshëm, Arakçi u shpreh: “Irani është gati për negociata serioze dhe pragmatike me SHBA-në, por bisedimet duhet të bazohen në drejtësi, barazi dhe respekt të ndërsjellë, e jo në presionin e njëanshëm të Uashingtonit”.