Albania News Agency

Sekretari amerikan i Mbrojtjes Pete Hegseth, në mesazhin e publikuar përkujtimor, theksoi rëndësinë e sakrificës dhe përkushtimit, duke deklaruar se kujtimi i ushtarëve të rënë duhet të ruhet.

Duke e nisur mesazhin me një citim domethënës, Hegseth tha: “Nuk ka dashuri më të madhe sesa të japësh jetën për miqtë e tu”.

Duke theksuar përgjegjësinë e brezave të ardhshëm dhe nevojën për të mos harruar heronjtë, Hegseth tha: “Le të jetojmë në mënyrë të denjë për sakrificat e tyre, të nderojmë kujtimin e tyre dhe të mos i harrojmë kurrë amerikanët trima që paguan çmimin më të lartë”.