Albania News Agency

Presidentja e Parlamentit Evropian Roberta Metsola publikoi një mesazh me rastin e Ditës së Përkujtimit.

Metsola deklaroi se po përkujtojnë të gjithë ushtarët dhe dëshmorët që humbën jetën për mbrojtjen e lirisë, duke theksuar se popujt e Evropës nuk do t’i harrojnë kurrë këto sakrifica.

Në deklaratën e saj, Metsola iu referua gjithashtu traditës së përkujtimit të krijuar pas Luftës së Dytë Botërore, duke theksuar se në shumë qytete evropiane varret e ushtarëve aleatë ruhen dhe vizitohen nga banorët vendas.

Duke marrë si shembull qytetin holandez Margraten, Metsola tha se kujtimi i rreth 8 mijë ushtarëve amerikanë vazhdon të mbahet gjallë dhe se kjo traditë e mban të fortë kujtesën kolektive.

Metsola e përfundoi mesazhin e saj me fjalët: “I kujtojmë dhe i nderojmë sot dhe çdo ditë.”