Albania News Agency

Në një intervistë të publikuar të shtunën në faqen e internetit të udhëheqësit suprem fetar të Iranit, Ajatollah Ali Khamenei, Pezeshkian tha: “Mendoj se jemi në një luftë të plotë me Amerikën, Izraelin dhe Evropën; ata nuk duan që vendi ynë të qëndrojë mbi këmbët e veta”.

Deklarata erdhi ndërsa kryeministri izraelit Benjamin Netanyahu po përgatitet të vizitojë SHBA-në për bisedime me Trump mbi çështjen iraniane.

Sulmet e Trump-it në qershor shënuan një pikë kthese në konfliktin e armatosur rreth dyjavor midis Iranit dhe Izraelit, të njohur si “Lufta 12-ditore”, dhe në fund të qershorit ai ndihmoi në përfundimin e konfliktit me një armëpushim.

Sipas Pezeshkianit, konflikti është ende larg përfundimit, pasi Shtëpia e Bardhë rifilloi politikën e sanksioneve të rënda kundër Teheranit me rikthimin e Trump-it në Zyrën Ovale në janar.

“Ata na rrethojnë nga të gjitha anët, krijojnë probleme ekonomike, kulturore, politike dhe të sigurisë dhe rrisin pritshmëritë e shoqërisë.

Nga njëra anë pengojnë shitjet, blerjet dhe tregtinë tonë, nga ana tjetër pritshmëritë shoqërore rriten. Si rezultat, të gjithë duhet të bëjmë më të mirën për të përmirësuar vendin”, tha ai.

Shtëpia e Bardhë dhe Ambasada e Izraelit nuk dhanë menjëherë përgjigje për kërkesat për koment.