Albania News Agency

Në një intervistë për TASS, ministri i Jashtëm rus tha: “Shpresoj që për politikanët e ngadaltë në Evropë, të cilët do ta shohin këtë intervistë, ta përsëris edhe një herë: nuk ka pse të frikësohen se Rusia do të sulmojë dikë”.

Në të njëjtën kohë, ai theksoi: “Nëse dikush vendos të sulmojë Rusinë, përgjigjja do të jetë dërrmuese”.

Lavrov kujtoi se “presidenti rus Vladimir Putin e ka deklaruar këtë shumë herë publikisht”.

Presidenti rus Putin kishte thënë më herët se në rast të goditjeve në thellësi të Rusisë me armë perëndimore me rreze të gjatë, do të jepet një “përgjigje befasuese”.

Putin kishte deklaruar në vitin 2023: “Që nga çasti kur konstatohet lëshimi i raketave, pavarësisht nga vendi prej nga lëshohen — nga çfarëdo pike e oqeaneve ose nga çfarëdo rajoni — në ajër shfaqen si kundërsulm një numër kaq i madh, qindra raketa tona, dhe asnjë armik nuk ka shans të mbijetojë. Dhe kjo ndodh njëkohësisht në disa fronte.”