Albania News Agency

Lazzarini theksoi se hyrja e forcave izraelite të sigurisë në kompleksin e UNRWA-s në Jeruzalemin Lindor, marrja e kontrollit dhe heqja e flamurit të OKB-së duke e zëvendësuar me flamurin izraelit, krijuan një situatë shumë të ndjeshme dhe një precedent shqetësues.

Ai u shpreh se këto veprime tregojnë shpërfillje të qartë të detyrimeve të përcaktuara në Kartën e Kombeve të Bashkuara dhe Konventën mbi Privilegjet dhe Imunitetet e OKB-së, duke cenuar integritetin e rendit juridik ndërkombëtar.

“Ky zhvillim përbën një paralajmërim serioz për komunitetin ndërkombëtar. Nuk duhet harruar se situata me të cilën përballet sot UNRWA, nesër mund të prekë një organizatë tjetër ndërkombëtare ose një mision diplomatik kudo në botë.”

Lazzarini shtoi: “Presioni dhe shkeljet në rritje ndaj së drejtës ndërkombëtare janë të papranueshme; duhen forcuar përpjekjet e përbashkëta për t’i ndalur ato.”