Albania News Agency

Presidenti francez Emmanuel Macron deklaroi gjatë bisedës me Presidentin e Ukrainës, Volodymyr Zelensky, se Franca do të vazhdojë të mbështesë Ukrainën dhe popullin ukrainas.

Macron argumentoi se Rusia ka zgjedhur të intensifikojë sulmet e saj për shkak të vështirësive për të përparuar në front dhe theksoi rëndësinë e sigurimit të të gjitha mjeteve të nevojshme që Ukraina të mund të mbrohet, të mbrojë popullsinë civile dhe infrastrukturën e saj.

Macron deklaroi se do të vazhdojnë të mbështesin përpjekjet e Ukrainës për arritjen e një paqeje të qëndrueshme dhe të fortë, duke theksuar se Franca do të vazhdojë të përmbushë përgjegjësitë e saj në këtë proces.