Albania News Agency

Presidenti i Ukrainës, Volodymyr Zelensky, njoftoi në rrjetet sociale se ishte takuar me kryeministrin e Polonisë, Donald Tusk. Zelensky tha se gjatë takimit diskutuan sulmet e Rusisë kundër Ukrainës dhe intensifikimin e tyre nga dita në ditë.

Zelensky bëri të ditur se gjatë sulmeve ruse u goditën një dyqan, një fabrikë farmaceutike dhe objekte logjistike, ndërsa 52 persona u plagosën gjatë ditës.

Zelensky theksoi rëndësinë e ndihmës së Polonisë për Ukrainën që të mbrohet, duke shtuar se të dy vendet diskutuan në detaje hapat për forcimin e mbrojtjes.

Zelensky deklaroi: “Nuk duhet të ndërmerret asnjë hap që do ta ndihmonte Rusinë ta vazhdonte këtë luftë.”