Albania News Agency

Ministri i Jashtëm i Belgjikës, Maxime Prevot, deklaroi se Belgjika po i ndjek nga afër zhvillimet në Ceutë.

Prevot theksoi se presioni i madh në kufijtë e jashtëm të një shteti anëtar të Bashkimit Evropian është një çështje e përbashkët evropiane dhe se Spanja duhet të mund të mbështetet në institucionet evropiane dhe në Marokun për mbrojtjen e kufijve të saj.

Ai shtoi se mbrojtja e kufijve të jashtëm është një prioritet për qeverinë belge dhe se kontrolli efektiv i kufijve, lufta kundër migracionit të parregullt dhe pengimi i veprimtarisë së rrjeteve të trafikimit të qenieve njerëzore janë parakushte për një qasje humanitare.

Prevot bëri të ditur se autoritetet spanjolle dhe Komisioni Evropian po ndërmarrin hapat e nevojshëm në koordinim me Marokun, se mekanizmat e kthimit të personave që kanë kaluar kufirin në mënyrë të paligjshme janë në funksion dhe se kanë filluar edhe kthimet vullnetare.