Albania News Agency

Presidentja e Komisionit Evropian Ursula von der Leyen bëri një deklaratë lidhur me lëvizjet e parregullta migratore në qytetin spanjoll të Ceutës.

Në një postim në rrjetet sociale, Von der Leyen i cilësoi pamjet nga Ceuta si “të papranueshme”.

Duke theksuar se hyrjet në kufijtë e Bashkimit Evropian duhet të zhvillohen në përputhje me rregullat, Von der Leyen tha se duhet të ndalen kalimet e rrezikshme, të shpërbëhen rrjetet e trafikimit të qenieve njerëzore dhe të përshpejtohen procedurat e kthimit.

Von der Leyen njoftoi se ka ngarkuar dy anëtarë të Komisionit Evropian për të marrë masa me qëllim vendosjen e situatës nën kontroll.

Sipas deklaratës, komisioneri Magnus Brunner do të punojë në koordinim me Spanjën dhe do të vlerësojë mundësitë për mbështetje operative përmes Frontex-it.

Gjithashtu u bë e ditur se komisionerja Dubravka Suica është në kontakt me autoritetet marokene, ndërsa Von der Leyen shprehu besimin se bashkëpunimi midis Bashkimit Evropian dhe Marokut do të sjellë rezultate konkrete.