Albania News Agency

Presidenti francez Emmanuel Macron bëri një deklaratë lidhur me operacionin detar në Mesdhe dhe zbatimin e sanksioneve.

Duke theksuar se nuk do të tolerohet asnjë shkelje, Macron tha: “Nuk do të tolerojmë asnjë shkelje. Këtë mëngjes, Marina Franceze kreu një operacion kundër një cisterne nafte nga Rusia, e cila i nënshtrohet sanksioneve ndërkombëtare dhe dyshohet se ka lundruar me flamur të rremë”.

Duke folur për operacionin, Macron u shpreh: “Operacioni u zhvillua në ujëra të hapura të Mesdheut me mbështetjen e disa aleatëve tanë dhe në përputhje të plotë me Konventën e OKB-së për të Drejtën e Detit”.

Macron shtoi se është nisur një proces gjyqësor dhe se itinerari i anijes është ndryshuar, duke theksuar: “Jemi të vendosur të respektojmë të drejtën ndërkombëtare dhe të sigurojmë zbatimin efektiv të sanksioneve. Aktivitetet e flotës së fshehtë kontribuojnë në financimin e luftës agresive kundër Ukrainës”.