Albania News Agency

Në raportin e konfirmuar nga një zëdhënës i Meta-s thuhet se pritet që abonimet të “çlirojnë më shumë produktivitet dhe krijimtari”, duke u ofruar përdoruesve me pagesë akses në më shumë veçori dhe aftësi të zgjeruara të inteligjencës artificiale.

Paketa e agjentëve të përgjithshëm të AI-së, të cilën Meta e bleu së fundmi nën ombrellën Manus, do të zgjerohet gjithashtu si pjesë e planeve të abonimit. Meta Platforms e bleu në dhjetor Manus-in, një zhvillues agjentësh AI me seli në Singapor dhe i themeluar në Kinë, për 2 miliardë dollarë.

Me planet e reja të abonimit, Meta mund të synojë të sigurojë kthim nga investimet e mëdha në aftësitë e AI-së dhe blerjet që ka bërë edhe përpara blerjes së Manus-it.

Edhe pse Meta zhvillon modele të mëdha gjuhësore nën markën Llama, ato kanë qenë me burim të hapur. Kjo do të thotë se aksesi i përgjithshëm në Llama ka mbetur falas — ndryshe nga planet me pagesë të liderëve të AI-së si OpenAI, Google dhe Anthropic.

Ndër veçoritë e tjera që mund të ofrohen si pjesë e planeve me pagesë të Meta-s është edhe qasja e plotë në Vibes, një përvojë e videove të shkurtra e mbështetur nga AI që u mundëson përdoruesve të krijojnë dhe të ripërpunojnë video të gjeneruara nga AI.

Edhe pse Vibes ka qenë falas që nga lansimi i saj në 2025, modeli i ri i abonimit do të ofrojë akses falas në versionin bazë, me opsionin për të paguar për veçori shtesë.

Abonimet do të jenë të ndara nga Meta Verified, një produkt me pagesë i lançuar nga kompania në vitin 2023 që u ofron krijuesve të përmbajtjes dhe bizneseve një stemë të verifikuar, mbështetje direkte 24/7, mbrojtje kundër imitimit, optimizim kërkimi dhe më shumë.

Meta i tha TechCrunch se planifikon të dëgjojë komunitetin e përdoruesve dhe të mbledhë reagime teksa i hedh abonimet në treg gjatë muajve të ardhshëm.