Albania News Agency

Ministri i Jashtëm i Ukrainës, Andrii Sybiha, bëri një deklaratë për përkujtimin e viktimave të Holokaustit dhe zhvillimet aktuale.

Duke iu referuar gjurmëve të Holokaustit në territorin e Ukrainës, Sybiha tha: “Sot nderojmë kujtimin e viktimave të Holokaustit dhe riafirmojmë vendosmërinë tonë për t’u përballur me çdo formë urrejtjeje, intolerance dhe mizorie. Gjatë Holokaustit, nazistët vranë rreth 1,5 milion hebrenj në territorin e Ukrainës, nga Babyn Yar dhe Drobytskyi Yar deri te qytetet dhe fshatrat në të gjithë vendin.”

Duke theksuar përpjekjet humanitare të popullit ukrainas në atë kohë, Sybiha u shpreh: “Edhe në këto kushte të tmerrshme, ukrainasit treguan shembull njerëzillëku duke rrezikuar gjithçka për të shpëtuar jetë. Mijëra janë nderuar si ‘Të Drejtë midis Kombeve’ për përpjekjet e tyre për të shpëtuar hebrenj.”

Duke vënë në dukje situatën aktuale dhe solidaritetin ndërkombëtar, Sybiha e përmbylli deklaratën: “Sot, ndërsa në territorin e Ukrainës po kryhen mizori të paparë që nga Lufta e Dytë Botërore, ne e vlerësojmë lart solidaritetin e të gjitha kombeve që qëndrojnë pranë Ukrainës. Vetëm uniteti dhe vendosmëria do t’i japin fund agresionit dhe do të rivendosin paqen në Evropë.”