Albania News Agency

Presidenti i Malit të Zi, Jakov Milatoviç, mirëpriti vizitën zyrtare të Presidentit francez Emmanuel Macron në vendin e tij, duke theksuar se ky hap forcon miqësinë mes dy vendeve.

Duke vënë në dukje rëndësinë politike dhe simbolike të vizitës, Milatoviç tha: "Mirë se erdhe, mik! Presidenti Emmanuel Macron ka mbërritur në Mal të Zi për një vizitë zyrtare. Kjo është një vizitë me rëndësi të madhe politike dhe simbolike, një konfirmim i miqësisë mes Malit të Zi dhe Francës dhe një tregues i mbështetjes për rrugën evropiane të vendit tonë."

Duke folur për hapat që Mali i Zi duhet të ndërmarrë në procesin e anëtarësimit në BE dhe për rëndësinë e reformave të brendshme, Milatoviç tha: "Mali i Zi ka një detyrë për të përmbushur. Institucionet duhet të jenë të forta, reformat duhet të jenë konkrete dhe qytetarët duhet të ndiejnë se e ardhmja evropiane nuk është një mesazh i largët politik, por një rrugë drejt një shteti më të rregullt, më të drejtë dhe më të fortë."