Albania News Agency

Ministri i Punëve të Jashtme i Maqedonisë së Veriut, Timco Mucunski, mbajti një fjalim me rastin e Ditës Kombëtare të Japonisë dhe ditëlindjes së Perandorit Naruhito.

Duke vlerësuar marrëdhëniet dypalëshe, Mucunski tha: “Dëshiroj të theksoj se miqësia ndërmjet dy vendeve është ndërtuar mbi respektin reciprok, besimin, vlerat e përbashkëta demokratike dhe lidhjet e forta ndërmjet popujve.”

Duke iu referuar organizimit të EXPO 2025 Osaka, që do të mbahet nën mikpritjen e Japonisë, Mucunski e vlerësoi këtë pjesëmarrje si “një mundësi të rëndësishme për të prezantuar kulturën tonë, inovacionet tona dhe vizionin tonë për zhvillim të qëndrueshëm.”

Mucunski e përfundoi deklaratën e tij me fjalët: “Në emër të Qeverisë, i dërgojmë urimet tona më të përzemërta Madhërisë së Tij, Familjes Perandorake dhe popullit mik të Japonisë.”