Albania News Agency

Aktiviteti i shfaqjes së dokumentarëve kinezë filloi dje në kryeqytetin serb, Beograd.

Zëvendësministri i Departamentit të Propagandës të Komitetit Qendror të Partisë Komuniste të Kinës dhe presidenti i Grupit Mediatik Kinez (CMG), Shen Haixiong, në mesazhin e tij për hapjen e aktivitetit deklaroi se organizimi i këtij eventi është një hap konkret për zbatimin e marrëveshjeve të rëndësishme të arritura midis liderëve të dy vendeve.

Shen Haixiong tha se, duke përdorur rrjetin global të transmetimit të CMG-së, ata janë të gatshëm të prezantojnë dinamizmin e zhvillimit dhe tërheqjen kulturore të Kinës dhe Serbisë. Ai gjithashtu theksoi se janë të gatshëm të thellojnë bashkëpunimin me miq nga të gjitha sektorët, përfshirë mediat serbe, për të kontribuar në ndërtimin e një komuniteti me fat të përbashkët Kinë-Serbi në epokën e re.

Aktiviteti, i organizuar përpara vizitës zyrtare të presidentit serb Aleksandar Vuçiç në Kinë, u realizua bashkërisht nga CMG, Radio Televizioni i Serbisë, Ministria e Kulturës e Serbisë, Ministria e Informacionit dhe Telekomunikacionit e Serbisë, Ambasada e Kinës në Beograd, Ambasada e Serbisë në Pekin dhe Qendra Kulturore Kineze në Beograd.