Albania News Agency

Sipas policisë, një grua u ngjit pa leje në çatinë e Ndërtesave Qeveritare të enjten në mëngjes. Njëkohësisht, në fasadën e Ministrisë së Financave u spërkat bojë dhe u vendos një poster.

Zëdhënësja e policisë suedeze Susanna Rinaldo tha këtë mëngjes: “Ky është një objekt i mbrojtur, ndaj i është kërkuar personit të zbresë, por ende nuk ka zbritur; prandaj po përpiqemi ta bindim gruan të zbresë me dëshirën e saj.”

Në mesditë policia njoftoi se gruaja zgjodhi të zbriste dhe u ndalua nën dyshimin për shkelje të Ligjit për Mbrojtjen. Edhe katër persona të tjerë u arrestuan nën dyshimin për të njëjtën vepër.

Organizata aktiviste mjedisore Restore Wetlands, në një deklaratë për shtyp të publikuar në faqen e saj të internetit, njoftoi se kishte zhvilluar një aksion proteste kundër nxjerrjes së torfës (qymyr kënete).