Albania News Agency

Meloni deklaroi se në kuadër të planit do të ndahen rreth 10 miliardë euro dhe me këtë investim synohet vënia në dispozicion e më shumë se 100 mijë banesave sociale ose me çmime më të ulëta se tregu.

Gjithashtu u theksua se rreth 60 mijë banesa sociale ekzistuese, që aktualisht nuk përdoren, do të rinovohen dhe do t’u rishpërndahen qytetarëve.

Në kuadër të planit do të hapet rrugë edhe për investimet e sektorit privat, ndërsa proceset burokratike do të përshpejtohen dhe thjeshtohen. Megjithatë, u theksua një kusht i rëndësishëm: të paktën 70% e banesave që do të ndërtohen duhet të shiten ose jepen me qira me çmime të paktën 30% më të ulëta se vlera e tregut.

Meloni theksoi se kjo masë do të mbështesë jo vetëm shtresat me të ardhura të ulëta, por edhe punonjësit dhe studentët që hasin vështirësi në sigurimin e banesave për shkak të rritjes së kostos së jetesës në qytetet e mëdha.

U bë e ditur se në përgatitjen e projektit kanë marrë pjesë Matteo Salvini, Tommaso Foti, si dhe autoritetet rajonale dhe bashkitë.